സേതുലക്ഷ്മിയുടെ പുസ്തകം
Posted on 29. Sep, 2009 by സേതുലക്ഷ്മി in News
“സേതുലക്ഷ്മിയുടെ പുസ്തകരചന എവിടെ വരെ ആയി?” എന്ന സുഹൃത്തുക്കളുടെ ചോദ്യങ്ങള് അധിക്രമിച്ച സാഹചര്യത്തിലാണ് ഇങ്ങനെയൊരു പോസ്റ്റിടാന് ഞാന് നിര്ബന്ധിതയായത്, ഒരു വലിയ ഇടവേളയ്ക്ക് ശേഷമാണെങ്കിലും!
കഴിഞ്ഞ ഏതാനും വര്ഷങ്ങളായി, നിയതമായ രൂപമോ ഭാവമോ ഇല്ലാതെ വെറുതേ എഴുതിക്കൂട്ടിയ ഇരുപത്തിയഞ്ചോളം കഥകളില് നിന്ന് പത്തെണ്ണം തിരഞ്ഞെടുത്ത് തിരുത്തിയെഴുതുക എന്ന ക്ലശകരമായ ഘട്ടം പൂര്ത്തിയാക്കിയിട്ട് ഏതാണ്ട് ഒരു മാസം കഴിഞ്ഞു. എഴുതിക്കഴിഞ്ഞ കൃതികള് പുനര്വായനയ്ക്കും തിരുത്തലുകള്ക്കുമായി, എഴുത്തുകാരനായ ഒരു സുഹൃത്തിനെ ഏല്പ്പിച്ചും കഴിഞ്ഞു. സാമാന്യം തിരക്കുള്ള പൊതുപ്രവര്ത്തകനാണ് കക്ഷി. അതിനാല് എത്രയും പെട്ടെന്ന് കൃതികള് പൂര്ത്തിയാക്കി നല്കണമെന്ന് (സ്നേഹപൂര്വ്വം) നിര്ബന്ധം പിടിക്കാന് കഴിയാത്തതിനാല്, കാത്തിരിപ്പിലാണ് ഞാന്. എഡിറ്റിംഗും മറ്റും പൂര്ത്തിയായാല് ഡിസംബറില് പുസ്തകം പ്രസിദ്ധീകരിക്കാനാണ് ഉദ്ദേശിക്കുന്നത്.
ഏതാനും മാസത്തെ പുസ്തകരചനയുടെ വെളിച്ചത്തില് യുവകഥാകൃത്തുകളോട് എനിക്കൊരു ഉപദേശമുണ്ട്. “സ്ഥിരം എന്തെങ്കിലും പ്രസിദ്ധീകരിക്കുക” എന്ന പ്രലോഭനത്തില് വശംവദരായി മനസില് പുകയുന്ന കഥാതന്തുക്കളെ എങ്ങനെയെങ്കിലും തട്ടിക്കൂട്ടി ബ്ലോഗില് ഇടുക എന്നത് ബ്ലോഗര്മാരുടെ സ്ഥിരം ഏര്പ്പാടാണ്. ഇത് പാടില്ല. കഥകള് എഴുതുമ്പോള് അതിന്റെ പൂര്ണ്ണതയില് തന്നെ എഴുതാന് പരിശ്രമിക്കുക. അല്ലെങ്കില്, ഏതെങ്കിലും ഒരു കാലത്ത് കഥകള് പുസ്തകമാക്കി പ്രസിദ്ധീകരിക്കേണ്ടി വരുമ്പോള്, അപൂര്ണ്ണമായ കഥകള് തിരുത്തിയെഴുതി തിരുത്തിയെഴുതി പണ്ഡാരമടങ്ങിപ്പോകും!
ഉദാഹരണം പറഞ്ഞാല്, “കല്ലൂനാണയം” എന്ന കഥ ഞാന് എഴുതിയിട്ട് നാല് വര്ഷങ്ങള് കഴിഞ്ഞു. ഒരു ശരാശരി കഥ ബ്ലോഗില് ഇടുക എന്ന ഉദ്ദ്യേശം മാത്രമേ മനസില് അന്ന് ഉണ്ടായിരുന്നതിനാല്, കഥയുടെയും കഥാപാത്രങ്ങളുടെയും സമഗ്രത എന്ന സ്വഭാവം ഞാന് മനപ്പൂര്വം വിസ്മരിക്കുകയാണ് ചെയ്തത്. പക്ഷേ, പുസ്തകരചനയുടെ ഭാഗമായി കഥ തിരുത്തിയെഴുതേണ്ടി വന്നപ്പോള് എല്ലാം കുഴഞ്ഞു. കഥ ജന്മമെടുക്കുമ്പോള് എന്നെ മദിച്ച ചിന്തകളും വികാരങ്ങളും മനസില് നിന്ന് പണ്ടേ മാഞ്ഞുപോയിരുന്നതിനാല്, കഥാപാത്രത്തെ വീണ്ടും ഉള്ക്കൊള്ളാന് എനിക്ക് ഏറെ സമയമെടുക്കേണ്ടിവന്നു. കല്ലുനാണയം എന്ന ചെറുകഥ എട്ടുപേജുള്ള കഥയായി തിരിത്തിയെഴുതാന് ഞാന് എഴുത്തത് രണ്ട് ആഴ്ചകളാണ്. അനുഭവിക്കേണ്ടി വന്ന മാനസിക പിരിമുറുക്കങ്ങളും നിരാശയും വേറെ! ഇതുതന്നെയാണ് മറ്റ് കഥകളുടെ കാര്യവും. പുസ്തക പ്രസിദ്ധീകരണം താമസിക്കുന്നതിനുള്ള ഒരു കാരണവും ഇതുതന്നെ. എഴുതുമ്പോള് നന്നായി എഴുതുക, അല്ലെങ്കില് എഴുതാതിരിക്കുക.
setulaxmi@gmail.com ആണ് എന്റെ പുതിയ ഐഡി. എഴുതുക.
Related Posts:
best of luck…
kollam nannaayirikkunnu njan oru kathayumaui malladikkan thudangiyittu 5varshangal kazhinju onnumayilla ezhuthathirikkunnathanu bhedam allee